這個杯麵真奶嘢

今日食咗個奶嘢杯麵，一定要同大家分享吓！

注意：產品內容及定價只供參考，一切以生產和銷售商資料為準！

 

合X道期間限定，牛奶海鮮味杯麵，夠奶嘢未？忌廉湯日式拉麵其實係香港都食到，好Heavy，好濃厚，好飽滯，自問唔怕肥唔怕油唔怕滯都好少食，今次見玩到上杯麵，而且又唔貴，「胃糠」都係賣11.9兩個，百物騰貴的2010年，都唔算好過份。

打開，合X道所謂海鮮，大家都好熟悉，都係疑似蟹柳、疑似八爪魚碎碎之流東西，加少少疑似蛋碎，唔通整年班塊或者整隻蠔咩？ 未加水之前都冇咩特別，加完水之後，都係冇咩特別。

味道似加左少少奶粉的普通海鮮味，個湯顏色白白地，唔係好濃，少少奶味，認真唔多，貪得意試試無妨。味道無驚喜到令人驚訝，因為實在跟普通海鮮味無咩大分別，最有驚喜，係個包裝。唔係貴好多，綽頭嘢，試試無妨。講好味，我都係鐘意國產「辣煌尚」(見舊文：激情如火，熱血杯麵！)，價錢唔係平好多，但麻辣香，麵有麥香， 邊個敢話國貨冇好嘢？