我和你的惡搞行動：天后真面目與壞貓劇場

新增非常設項目「我和你的惡搞行動」，每期會以超厚面皮，邀請各位朋友參予惡搞特備節目，實行crossover一番。今期第一期，登登登，我就遇上剛剛出爐的MSB非官方網誌天王和天后。另外，得天后金婆婆友情相助，miko的編貓們crossover了另一個小劇場。

星期天因機緣巧合，選舉活動外勤製作組，包括：影相佬、寫稿佬、監督佬、茶水佬同搬運佬，一行人等共一人，在兩個不同場合，遇上第一屆非官方天王天后選舉的天王和天后，講你都唔信，百份之百無約定。

上圖，咁大隻字寫住天后，你就知佢係貴為天后的金婆婆啦！點解無天王幅相？好簡單，因為Ryan本人實在太形仔，為怕得失本店男性讀者和搶走本店女性讀者，所以就決定將佢打黑格。(真相是：Ryan兄真係好形仔，但尊重Ryan兄，沒有影相，真是各位女士一大損失。)

第二次見到金婆婆，她一貫地建談靚女，更請得她的新寵 ─ 紫蘇，協助我們演出番外小劇場。初會Ryan兄除了驚訝於他對港產片的熱情和認識(不是人所共知的嗎？)，就是他本人既有形亦有幽默感，果然有天王風範，無法刊出他的玉照實在可惜！

番外小劇場，特別請來金婆婆的新寵和Miko的編貓客串。雖然角色來自純品系，但製作由暗黑製作社大搞，所以劇目係：我的上位之路。

頭三幅請大家調寄梁醒波在《光棍姻緣》唱過的名句：「擔番口大雪笳咋，充生晒認經理，撈世界要醒目，一切當玩把戲。」

本blog忠告各位來賓和讀者：吸煙可危害健康。

大家有興趣，都歡迎加入這個惡搞行動，自己跟其他朋友玩都得，下期，睇睇重有冇人願意應邀參予？(黑仔：今期咁，重有會有下期咩？)