極度驚肪！看得見的油膩！

注意：本文內容及圖片可能會引起不安或不適甚至反胃，膽小或沒信心者請勿進。另，食物內容及定價只供參考，一切以店家公告為準。

異性友人B，減肥期間，很喜歡以食店奉送的清茶來清洗食物。印象中，MSB的BLOG壇美少女「尖東為食公關」亦曾示範以清茶奉油。心想，這玩兒只有女性才鐘情，殊不知，今日，終於輪到我。講真，好驚，好鬼驚。

開始之前，大家睇睇以下哩杯物體。

 

 

以上哩杯係咩？係我食坐艇火鍋時，將鍋中表面的油份(或疑似油份)撈起倒進那杯「清茶」後所產生的液體，應該唔係太適宜飲用。好，我地回帶睇睇發生過咩事。


今夜，忽然想起入秋之後未食過火鍋，又因事得一條友食，於是就走左去好快樂的地方，食那個新出品的坐艇火鎬。因為近來唔太想食蝦，於是就選了肥牛醉雞，配多杯青檸梳打，五十六個大洋埋單。

等了一會，一隻大到離譜的巨艇現身，應該可以食飽兩個大食如我的物體。樣子對辦，重有油光，打開個火鎬，湯亦算清同正路。醬料還很精明地收藏在船底暗格，設計十分精良。

開工之前，我先幫大家起起底，睇睇肥牛之下係用咩托市。都算佢有良心，第一層托市係腐竹，而下層有米線同豆腐，認真唔話得。好，開波，隊幾舊雞同豬入去一齊等水滾先。

一滾起，嘩，嚇死。

上面那層，應該是油的東西，多麼美味哦，多麼的肥膩！比賽剛剛開始，為免被入太多，不敢做次，馬上將那些東西倒進清茶，不消一會，也有近半cm厚之譜！眼不見為清淡，先吃！雞件跟肉片很軟，墨魚滑(?)亦很爽口，各種配料都沒什麼可以投訴，味道方面，應該算超出五十六蚊的水平。喪咬一輪之後，已經食得七七八八。火又唔滾，又要等。順勢將米線及少許菜以外的東西，一口氣全放下去！

又再滾起，嘩！嘩！嘩！見到一層層油或者疑似油的物體！只好重複之前的動作！不得了，爆晒杯都重係好油，但眼見比賽就快完結，就忍痛繼續吃下去，支撐到底！

完場，除了那杯「混合物」外，鍋中仍可見到厚得像一層薄膜的疑似油分。極度驚慌，我用了三秒，飲乾杯青檸梳打，都定唔到驚。看來，要食番一頭兩個星期清淡先可以頂得住。